TUGUEGARAO CITY, Cagayan, Philippines – Masyadong maaga ang salubong ni kamatayan laban sa 6-anyos na nene habang ginaÂgamot naman sa ospital ang mga magulang at dalawang utol nito matapos malason sa kinaing isda kamaÂkalawa sa Brgy. Minanga Este, bayan ng Buguey, Cagayan. Kinilala ni Marvie GillegoÂ, municipal sanitary inspector ng Buguey ang namatay na si Rovelyn Garcia, Grade two pupil sa nasabing bayan. Naisugod naman sa Cagayan Valley Medical CenÂter ang mga magulang nito na sina Amante at Nelia Garcia gaÂyundin ang mga kapatid na sina Alice, 15; at Amelia, 13. Sumunod din na naÂisugod sa Aparri District Hospital ang lola ng biktima na si Jolina Jacinto, 70. Tanging ang isang-taong gulang na sanggol na anak ng mag-asawang Garcia ang hindi nalason. Ayon pa sa ulat, wala namang nalason sa kapitbahay ng mga biktima na nagbigay ng pinaghihinalaang ulam na isdang ‘langin-langin’.