BULACAN, Philippines – Nailugso ang pagkababae ng 38-anyos na beautician matapos na halayin ng obrero na itinaon sa kaarawan ng una sa Barangay Gumaoc East, San Jose Del Monte City, Bulacan kamakalawa ng gabi. Sa police report, nagdaos ng kaarawan at nakipag-inumang sa mga kaibigan at ilang kamang-anak ang biktimang itinago sa pangalang Edna na sinasabing may-ari ng beauty parlor. Subalit nang makaramdam ng pagkahilo ang biktima ay nakatulog sa kanyang kuwarto kung saan sinundan naman ng suspek na si Noel Austrial, 21. Gayon pa man, naramdaman ng biktima na may mabigat na nakapatong sa kanyang katawan kung saan sa pag-aakalang mister ang ka-sex ay pinaubaya niya ang pagkababae. Nang magising ang biktima ay nag-usisa ito sa kanyang mister kaya nadiskubre ang ginawa ng suspek.