MANILA, Philippines - Natabunan sa tambak ng basura ang isang backhoe operator at 3 pang manggagawa matapos na aksidenteng gumuho ang isang pribadong sanitary landfill sa Rodriguez, Rizal nitong Biyernes ng hapon.
Sa ulat ni National Disaster Risk Reduction and Management Council (NDRRMC) Executive Director Eduardo del Rosario, kinilala ang mga biktima na Gary Balahibo, backhoe opeÂrator at mga kasamahan nitong manggagawa na sina Pablito Esto, Rodivico Ohod at Eddie Malano .
Bandang alas-3:45 ng hapon ng maganap ang pagguho ng sanitary landfill sa Brgy. Isidro ng bayang ito.
Agad namang nagresÂponde sa lugar ang search and rescue team upang hanapin ang mga nawawalang biktima sa naganap na trahedya.
Samantalang nagawa namang makaligtas ng ilan ng mga itong kasamahan na siyang nag-report ng insidente sa mga awtoridad.
Gayunman nitong BiÂyernes ay pansamantalang inihinto muna ang search and rescue operations dahilan sa banta ng panibagong trashlide sa lugar.
Nitong Sabado ay muling ipinagpatuloy ang search and rescue operations sa mga nawawalang biktima.