KIDAPAWAN CITY , Philippines – Binaril at napatay ang 31-anyos na misis ng kanyang ka-live-in sa loob ng kanilang tahanan sa Delima Subd., Purok Guava sa Barangay Poblacion, Kidapawan City, North Cotabato kahapon ng umaga. Napuruhan sa tagiliran na tumagos sa puso ng biktimang si Jocelyn Guabong habang tugis naman ng pulisya ang suspek na si alyas Larry. Sa ulat ni PO2 Jomerson Sumadia, huling namataang buhay ang biktima na nakikipag-inuman sa suspek. Magkasabay na umuwi ang magka-live-in subalit pagsapit sa kanilang bahay ay nagkasagutan ang dalawa na humantong sa pamamaril. Naisugod pa sa Kidapawan Doctors Hospital ang biktima subalit namatay din. Narekober sa crime scene ang isang basyo ng cal. 45 pistol habang patuloy naman ang imbestigasyon.