9 dakma sa illegal fishing

BULACAN, Philippines – Rehas na bakal ang binagsakan ng siyam na kalalakihan makaraang arestuhin ng puwersa ng pulisya at pangkat ng Bantay-Dagat kaugnay sa iligal na pangingisda sa baybayin ng Barangay Pamarawan sa Malolos City, Bulacan kahapon. Kabilang sa mga kinasuhang suspek  ay sina Jerome Abiro, Arvie Umaya, Louie Reyes, Pablo Atano, Jeffrey Lopez, Joel Boscato, Felix Tano, Roy Reyes at si Chris Caledinia na pawang nakatira sa Barangay Dulong Duhat sa Malabon City. Sa ulat na nakarating kay P/Senior Supt. Joel Orduña, ang mga suspek na lulan ng M/V Dan Israel ay nasamsaman ng malaking lambat, Iba’t ibang gamit sa pangsisid, mga banyera na naglalaman ng maliliit na isda.