Medical mission sa Capas, Tarlac

MANILA, Philippines - Ilulunsad ng Abundant Life Church ang medical at dental mission sa Barangay Cristo Rey sa bayan ng Capas, Tarlac sa Lunes (Nob. 15). Katuwang ng Abundant Life Church ang ilang miyembro ng Calvary Nexus na magmumula pa sa California, USA. Sinuportahan naman ni Mayor Tj Rodriguez ,mga opisyal ng barangay, Capas Evangelical Ministerial Organization (CEMO) ang medical mission na gaganapin sa J.I.M. Church Caducoy Compound Blk 22, Phase 2 sa nasabing barangay kung saan magsisimula sa ganap na alas-8 ng umaga hanggang 12 ng tanghali. Isinabay ng Abundant Life Church ang medical mission sa kanilang ika-5 Community Care Program kung saan libre ang medical check-up, dental services, libreng gamot at counseling.