Trader sangkot sa human trafficking, timbog sa Bulacan

MALOLOS CITY, Bulacan, Philippines — Arestado ng mga awtoridad ang umano’y cybersex den owner na sangkot sa human trafficking sa lungsod ng San Jose Del Monte (SJDM).

Kinilala lang ng pulisya ang naarestong suspek sa alyas na “Wiwit”, 28, residente ng Brgy. Mulawin, SJDMC.

Sa report ng SJDM Police, nahuli ang suspek nitong Nobyembre 27 sa naturang lugar.

Ayon sa report, ang suspek ay puwersahang pinagsasayaw ng hubo’t hubad ang kanyang biktimang 26-anyos na biktima sa harap ng kanyang online customers.

Sinasabing tinatakot ng suspek ang biktima na ipo-post ang kanyang mga malalaaswang larawan at video sa online sakaling tumanggi sa kanyang mga utos.

Nahaharap sa kaukulang kaso ang suspek habang nakakulong sa naturang istasyon ng pulisya.