Buy-bust nauwi sa shootout: 2 ‘shabu dealer’ bulagta
COTABATO CITY, Philippines — Patay ang dalawang hinihinalang shabu dealers nang pumalag sa nilatag na buy-bust operation ng mga ahente ng Philippine Drug Enforcement Agency-Bangsamoro Autonomous Region in Muslim Mindanao (PDEA-BARMM) sa Barangay Liyaburan, Panglima Sugala, Tawi-Tawi nitong Lunes.
Sa ulat nitong Miyerkules ni Gil Cesario Castro, director ng PDEA-BARMM, nauwi sa pagkamatay ng drug dealers na sina Akmad Munib Usman at Gorrie Sajili Usman ang engkuwentrong naganap sa pagitan nila at ng magkasanib na PDEA-BARMM agents at mga operatiba ng iba’t ibang units ng Tawi-Tawi Provincial Police Office.
Aarestuhin na sana ng PDEA-BARMM agents ang dalawa matapos magbenta sa kanila ng P340,000 na halaga ng shabu sa Barangay Liyaburan, Tawi-Tawi, ngunit bigla umano silang naglabas ng mga baril kaya nagkapalitan na ng putok na nag-resulta sa kanilang kamatayan.
Ayon kay Castro, nailatag ang naturang buy-bust operation sa tulong ng local government unit ng Panglima Sugala at ng tanggapan ni Brig. Gen. Prexy Tanggawohn, director ng Police Regional Office-Bangsamoro Autonomous Region.
- Latest