Letran problemado agad
MANILA, Philippines — Hindi pa man din nagsisimula ang NCAA Season 100 ay problemado na agad ang Colegio de San Juan de Letran ito’y dahil may posibilidad na hindi makapaglaro agad ang kanilang pambatong si veteran big man Pao Javillonar.
Maugong na papatawan ng three-game suspension si team captain Javillonar dahil sa paglaro nito sa PBA ballclub Converge sa naganap na 39th Kadayawan Festival noong Hulyo.
Napiling No. 19 overall ng FiberXers sa nakaraang PBA draft si Javillonar, sumulat ang Knights sa ManCom kung saan ay ina-apela nila na gawin lamang na isang game ang parusa.
Habang hinihintay pa ni Javillonar at ng Knights ang desisyon ng management committee, nakatutok at naka-pokus ang Intramuros-based squad sa kanilang unang game sa Linggo kontra San Sebastian College-Recoletos.
Sakaling mananatili ang tatlong parusa kay Javillonar ay tiyak na hindi siya makakalaro kontra San Sebastian, JRU at Arellano.
Samantala, sasabak agad ang defending champions San Beda University kontra Lyceum of the Philippines sa Sabado ng alas-2:30 ng hapon.
Sunod ang bakbakan sa pagitan ng Mapua University at College of Saint Benilde sa alas-5 ng hapon.
- Latest
