Murillo sasandigan ng Foxies
MANILA, Philippines — Isasalang ng Farm Fresh si American import Yeny Murillo para sa darating na 2024 Premier Volleyball League (PVL) Reinforced Conference.
Matapos maglaro para sa Arizona Western College at Grand Canyon University ay nagtungo ang 25-anyos na spiker sa Europe at kumampanya para sa AO Thiras ng Greece sa 2021-22 season.
Ipinakita rin ni Murillo ang kanyang talento sa France para sa tropa ng Municipal Olympique Mougins Volley-Ball at Rennes EC, sa Cyprus sa koponan ng Anorthosis Famagusta at sa Czech Republic para sa TJ Sokol Frýdek-Místek.
Hangad ng Foxies na mapaganda ang kanilang ninth place finish sa nakaraang PVL All-Filipino Conference mula sa 3-8 record.
Magbubukas ang PVL Reinforced Conference, pinagreynahan ng Petro Gazz, sa Hulyo 16 sa Philsports Arena sa Pasig City.
Ang iba pang imports na sasalang sa torneo ay sina Erica Staunton (Creamline), Zoi Faki (Choco Mucho), Khat Bell (Chery Tiggo), Elena Samoilenko (PLDT Home Fibr), Marina Tushova (Capital1 Solar Energy), MJ Perez (Cignal), Oly Okaro (Akari), Asaka Tamaru (ZUS Coffee) at Monique Helena (Galeries Tower).
Hinati ang 12 teams sa dalawang grupo.
Nasa Pool A ang Creamline, Chery Tiggo, Farm Fresh, Galeries Tower, Nxled at PLDT habang nasa Pool B ang Petro Gazz, Akari, Capital1, Cignal, Choco Mucho at ZUS Coffee.
- Latest