MANILA, Philippines — Sumandal ang Toda Aksyon Bulacan Taipan kina Francisco Tancioco at Jonas Tibayan sa 71-66 paggiba sa Demigod Shawarma Shack sa Pilipinas Super League President’s Cup sa Central Recreational and Fitness Center.
Kumamada sina Tancioco at Tibayan ng pinagsamanag 27 points para sa unang panalo ng Bulacan Taipan.
Pinamunuan ni Teytey Teodoro ang Demigod Shawarma Shack sa kanyang 21 points tampok ang pitong three-point shots.
Samantala, pinadapa ng Alpha Omega ang Novaliches, 68-66.
Humakot si dating PBA big man John Gabriel ng 16 points at 10 rebounds para sa ikalawang sunod na panalo ng Alpha Omega kagaya ng baraha ng Manila.