Bulldogs dedepensahan ang AUG crown

MANILA, Philippines — Dedepensahan ng National University ang korona nito sa 20th Asean University Games na idaraos sa Hulyo 26 hanggang Agosto 6 sa Ubon Ratchathani, Thailand.

Pormal nang nagsumite ng lineup  ang pamunuan ng NU sa mga organizers kung saan babandera sa 15-man pool si outside hitter Bryan Bagunas.

Kasama rin sina national team playmaker Joshua Retamar at Nico Almendras gayundin sina Kennry Malinis at foreign student-athlete Obed Mukaba.

Nasa listahan din sina Leo Aringo, Marc Bandola, Clarence Belostrino, Louis Lumanian, Leo Ordiales, Jann Sumagui, Rwenzmel Taguibulos, Michaelo Buddin, Jomar Ocampo at Marco Maciang.

Hahawakan ang tropani Bulldogs head coach Dante Alinsunurin.

Nakamit ng Bulldogs ang korona sa Asean University Games noong 2018 nang pataubin ang Thailand sa finals sa pamamagitan ng 27-25, 25-21, 22-25, 25-20 desisyon sa labang ginanap sa Naypyidaw, Myanmar.

Hindi nakapagsagawa ng torneo ang Asean Universoty Games organizers noong 2020 dahil sa pandemya.

Maliban sa volleyball, magpapartisipa rin ang Pilipinas sa swimming competition.