MANILA, Philippines — Sisimulan ng Philippine Taekwondo Association ang pagdiskubre sa mga potensyal na miyembro ng national team sa pagsipa ngayon ng 2019 SMART/MVPSF Taekwondo Summer Class.
Sinabi ni Makati Congressman at PTA secretary general Monsour del Rosario, dating national and international champion, na ang kaalaman sa taekwondo ay mas mabisa kesa sa pagdadala ng deadly weapon.
Ayon pa kay Del Rosario, ang pagdaraos ng annual class ng PTA ay makakatulong sa pagpapalakas ng katawan ng mga bata.
Naglabas ang PTA, kaanib ng World Taekwondo Federation, Philippine Sports Commission at Philippine Olympic Committee, ng listahan ng mga regional headquarters at contact persons para sa mga interesado.
Maaari ding tawagan ang PTA sa 522-0518/522-0519/524-0457 o mag-email sa philippinetaekwondo@gmail.com/philtkd@gmail.com.