MANILA, Philippines — Nagdagdag ang BEST Center ng venue para sa kanilang basketball at volleyball clinics ngayong bakasyon.
Maliban sa Ateneo college covered courts, Starmall-Alabang at Our Lady of Guadalupe Minor Seminary, isang bagong center ang bubuksan sa International Goodwill 3 Subdivision sa San Antonio, Parañaque.
Maaaring magpatala ang mga students sa Preparatory Level at Level 1 ng basketball sa Goodwill 3 clinics na gagawin sa multi-purpose hall sa Abril 1 mula alas-8:30 ng umaga hanggang alas-11:30.
Ang mga basketball clinics tuwing Lunes at Huwebes ay nakatakda sa Abril 8-Mayo 2 sa Ateneo college covered courts para sa students sa Preparatory Level, Level 1, Level 2 (9-11 years old) at Level 5 para sa morning classes.
Ang clinics Levels 1, 2 (12-years old and above), 3,4 at 6 ay sa ala-1 hanggang alas-4:30 ng hapon.
Pamamahalaan din ng International Christian Academy ang Levels 1-2 students sa ala-1:30 hanggang alas-4:30 ng hapon sa Abril 1-29.
Ang volleyball sessions sa ICA sa alas-8:30 ng umaga hanggang alas-11:30 ng tanghali para sa Levels 1 at 2.
Ang Starmall-Alabang ang mangangasiwa sa volleyball clinics sa Abril 1-29 sa ala-1:30 ng hapon hanggang alas-4:30 ng hapon sa Levels 1 at 2.
Ang maagang pagpapatala para sa lahat ng venues ay gagawin bukas sa Ateneo at sa Our Lady of Guadalupe Minor Seminary sa Linggo. Para sa detalye ay tumawag sa 372- 3065/66, 411-6260 Email: bestcenter,inquiry@gmail.com Facebook: bestcentersportsinc