Vargas pinalagan si Uytengsu
MANILA, Philippines — Sa isang television interview noong nakaraang linggo ay sinabi ni Alaska team owner Wilfred Uytengsu na dalawang kumpanya lamang ang nagpapatakbo sa Philippine Basketball Association.
Ang tinutukoy ni Uytengsu ay ang San Miguel Corporation at ang MVP Group of Companies.
Nasa ilalim ng SMC ang San Miguel, Barangay Ginebra at Magnolia, habang nasa bakuran ng MVP groups ang TNT Katropa, NLEX at Meralco.
Labis na ikinabahala ni PBA Board of Governors chairman Ricky Vargas ng TNT Katropa ang nasabing pahayag ni Uytengsu sa panayam ng ESPN5 Sportscenter noong Pebrero 12.
“WSU (Uytengsu) has questioned the integrity of the PBA by alluding to questionable trades, violations of the rule on salary cap, and control of the affairs of the PBA by two corporate groups, among others,” wika ni Vargas sa isang official statement kahapon.
Ayon kay Vargas, sanay na siya sa mga reklamo ni Uytengsu tungkol sa PBA at mas mabuting ihayag ng Alaska team owner ang lahat ng kanyang saloobin sa PBA Board.
“The statements of WSU do not surprise me at all as this has always been his way to ventilate his thoughts in public from the hip,” sabi ng PBA chairman. “What is proper was for him to discuss his grievance with the PBA Board of Governors where his team is ably represented by a Governor who is now the Vice Chairman of the Board. There he can formalize his grievance and submit proof to substantiate his claims. No story telling nor hearsay. Making unfounded statements will only be detrimental to the league.”
Inireklamo ni Uytengsu ang paglabag ng ilang PBA teams sa itinakdang salary cap ng liga.
- Latest
