JAKARTA -- May dalawa nang Pinoy boxers na nakapasok sa semifinals para makasiguro ng dalawang bronze ang 8-man Phl boxing team dito sa 18th Asian Games sa kompetisyong ginaganap sa Jakarta International Expo.
Pasok na sa semifinals sina Carlo Paalam at Rogen Ladon matapos makalusot sa kani-kanilang quarterfinal matches at may pag-asa silang mabigyan ng silver o gold ang Pinas.
Nagtala si Paalam ng 4-1 panalo laban kay Termitas Zhussupov ng Kazakhstan sa men's 46-49kg light flyweight quarterfinals kahapon habang kinailangang paghirapan ng Olympian na si Ladon ang kanyang panalo matapos ang 3-1 split decision win kontra kay Azat Mahmetov ng Kazakhstan kamakalawa ng gabi.
Susunod na kalaban ng 24-gulang na si Ladon bukas ang Thailander na si Yuttapong Tongdee habang delikado naman si Paalam dahil ang hometown bet ng host Indonesia na si Amit ang kanyang kasuntukan bukas ng alas-2:15 (3:15 Manila time)
Kasalukuyan pang lumalaban si Eumir Felix Marcial sa men’s 75kgs quarterfinals kagabi laban kay Jinjae Kim ng Korea.