Mommy D: Dasal lang!
MANILA, Philippines — Dasal lang!
Ito ang sasandalan ni super mom Dionisia Pacquiao - mas kilala sa tawag na Mommy Dionisia - sa oras na sumabak ang kanyang anak na si Manny Pacquiao kontra kay Lucas Matthysse ngayong araw sa Axiata Arena sa Kuala Lumpur, Malaysia.
Numero unong taga-suporta ni Pacquiao si Mommy Dionisia na kadalasang nakikitang may dalang rosaryo sa tuwing nanonood ito ng laban ng Pambansang Kamao.
Kaya naman muling magiging sandata ni Mommy Dionisia ang dasal na pinaniniwalaan nitong nagdadala ng suwerte kay Pacquiao.
“Sa dasal talaga ako umaasa ‘yan ang suportang maibibigay ko kay Manny sa tuwing lalaban siya. Todo suporta ako para sa anak ko,” wika ni Mommy Dionisia.
Magugunitang nag-viral pa si Mommy D nang matiyempuhan ito ng kamera sa isang laban ni Pacquiao na nagdadasal hawak ang rosario at isang card.
Kabado ngunit sabik na si Mommy Dionisia sa laban.
At umaasa itong malalampasan ni Pacquiao ang panibagong pagsubok nito sa tulong ng dasal.
- Latest
