MANILA, Philippines – Masiglang sisimulan ng BEST Center (Basketball Efficiency and Scientific Training Center), ang nanguna sa pagdaraos ng mga sports clinics sa Pilipinas katuwang ang Milo, ang taon sa pamamagitan ng pagsasagawa ng award-winning basketball at volleyball clinics sa tatlong venues simula sa Linggo.
Ang mga Saturday-only classes ay gagawin sa Ateneo College covered Courts sa alas-8 hanggang alas-11 ng umaga mula Enero 7 hanggang Pebrero 25 para sa basketball (Levels 1, 2, 3, 4) at volleyball (Levels 1, 2 at 3 at Preparatory Level).
Bibisita rin ang Best Center sa Xavier School sa parehong petsa sa ganap na ala-1 hanggang alas-4:30 ng hapon para sa Preparatory Level at Levels 1, 2 at 3 para sa basketball.
Ang mga Sunday-only classes ay idaraos sa Starmall Alabang simula sa Pebrero 8 hanggang 26 sa ganap na ala-1 hanggang alas-4 ng hapon sa basketball (Preparatory Level at Levels 1, 2 at 3).
Ang Best Center ay tumanggap ng Olympism Award mula sa Philippine Olympic Committee (POC) at isang Hall-of-Fame awardee ng Philippine Sportswriters Association.