Hindi bilib si coach Freddie Roach kay Teddy Atlas, ang bagong trainer ni Timothy Bradley.
Marami kasi ang nagsabi na mas maganda ang ikinilos ni Bradley nang labanan niya si Brandon Rios nung Nobyembre.
Nanalo si Bradley. Nag-retire si Rios.
Agad-agad ay umugong ang posibilidad na maglaban ulit si Manny Pacquiao at Bradley at mas maganda na raw ang kalalabasan ng laban kesa nung unang dalawa.
Kaya eto at naikasa ang laban sa April 9 sa Las Vegas.
Bukod sa last fight na raw ni Pacquiao ito, bentahe rin ang pagbabago ni Bradley.
Kaya nga lang, hindi ito binibili ni coach Freddie.
Wala raw pinagbago si Bradley at kaya lang nito nakuha ang ikatlong laban kay Pacquiao ay dahil siya ang natipuhan ng mga may hawak ng pay-per-view.
Paulit-ulit na sinabi ni coach Freddie na ang Bradley noon ay ang Bradley ngayon.
Kaya raw maganda ang pinakita ni Bradley laban kay Rios, sabi ni coach Freddie, ay dahil talagang pa-retire na ang boxer na dati na rin binugbog ni Pacquiao.
Mataba raw si Rios at wala sa kundisyon nang labanan si Bradley.
Sabi ni coach Freddie, bibilib lang daw siya kay Bradley at maniniwala sa kakayahan ni Atlas bilang trainer kung maganda ang ipapakita nito sa April 9.
Kumpiyansa si coach Freddie na mananalo ulit si Pacquiao.
Style ni Roach na magpakita ng angas habang papalapit ang laban.
Natural lang.
Sa kabilang dako, tahimik lang si Atlas. Focus sila kay Pacquiao.
Si Pacquiao raw ang kalaban.
Hindi si coach Freddie.