MANILA, Philippines – Ipinagpatuloy ng mga employee athletes ng wireless leader na Smart Communications (Smart) ang kanilang pagpapakita ng lakas hindi lamang sa mga local races kundi maging sa international marathon sa Chicago at Japan noong Oktubre.
Ito ang unang pagkakataon na lumahok ang Smart sa nasabing dalawang events.
Kapwa tinapos nina Strategy and Operations Support senior manager Grace Ruperto at Logistics Department head Warren Ermac ang Chicago Marathon, isang annual event na inorganisa ng Bank of America sa loob ng 30 taon.
Sinimulan ang karera sa Grant Park sa Lake Michigan patungo sa northern Chicago at pabalik sa Grant Park.
Samantala, pinamunuan naman ni Wireless Mainstream Enterprise Solutions senior manager Sherry San Pedro ang Osaka Marathon, isang annual running event sa Japan na inorganisa ng Japan Association of Athletics Federations at ng Yomiuri Shimbun, isang Japanese national newspaper.
Ang nasabing mga marathoners ay miyembro ng Samahang Mananakbo ng Smart, isa sa 22 employee clubs sa Smart na nagpo-promote ng aktibong pamumuhay sa kumpanya para maisabuhay ng kanilang workforce ang “Live More” manifesto.