Dumaan sa 2 OT bago natakasan ang Bulldogs
Laro sa Sabado (Mall of Asia Arena)
2 p.m. Ateneo vs UE
4 p.m. NU vs UST
MANILA, Philippines – Bunga ng labis na kapaguran ay napaluhod na lamang si 2014 UAAP Most Valuable Player Kiefer Ravena sa sahig matapos tumunog ang final buzzer.
Humataw si Ravena ng 21 points para tulungan ang Ateneo na talunin ang nagdedepensang National University via double overtime, 74-70 sa 78th UAAP men’s basketball tournament kagabi sa Smart Araneta Coliseum.
Ito ang ikalawang sunod na panalo ng Blue Eagles kasabay ng pagpapalasap sa Bulldogs ng pangatlong dikit nitong kamalasan.
“What can I say? It was a grind,” sambit ni coach Bo Perasol.
Matapos ang dalawang free throws ni Gelo Alolino na nagbigay sa NU ng 57-54 abante sa huling 16.7 segundo sa fourth quarter ay nagsalpak naman si Ravena ng isang three-point shot para itabla ang Blue Eagles sa 57-57 patungo sa unang overtime.
Muling inihatid ni Ravena sa ikalawang extension period ang Ateneo nang kumonekta ng isang drive sa natitirang 5.7 segundo para muling makatabla sa NU, 62-62.
Huling nagbanta ang Bulldogs sa 70-72 buhat sa basket ni Mohammad Al-Yusouf Salim sa nalalabing 7.2 segundo bago selyuhan ni Ravena ang panalo ng Blue Eagles sa kanyang salaksak sa huling limang segundo.
Sa unang laro, umiskor si Bonbon Batiller ng game-high na 23 points para muling pangunahan ang University of the East sa 89-78 paggiba sa Adamson University.
UE 89 – Batiller 23, P. Varila 14, Derige 12, Charcos 9, Yu 8, Javier 6, De Leon 6, Palma 6, Abanto 2, Gonzales 2, Manalang 1, Sta. Ana 0.
Adamson 78 – Tungcab 16, Capote 15, Nalos 14, Ng 11, Villanueva 8, Sarr 6, Ochea 4, Polican 2, Garcia 2, Escalambre 0, Bernardo 0.
Quarterscores: 20-26; 44-41; 63-57; 89-78.
AdMU 74 – Ravena 21 Ikeh 14, Pingoy 9, Pessumal 8, Apacible 6, A. Tolentino 6, Gotladera 4, Babilonia 2, Cani 2, Ma. Nieto 2, Black 0, Mi. Nieto 0, M. Tolentino 0, Wong 0.
NU 70 – Alolino 19, Aroga 14, Neypes 11, Celda 6, Abatayo 5, Javelona 5, Tansingco 4, Alejandro 2, Diputado 2, Salim 2, Javillonar 0, Lastimosa 0, Rangel 0.
Quarterscores: 13-11, 27-24, 42-43, 57-57, 62-62, 74-70.