Batcho, Bernardo hari sa Shell Batangas chessfest
MANILA, Philippines - Pinatumba ni Ricardo Batcho si Vince Medina sa seventh round para kunin ang seniors crown, habang inangkin ni Dale Bernardo ang titulo sa kanilang mga dibisyon sa Shell National Youth Active Chess Championship Southern Luzon leg sa SM City Batangas Event Center sa Batangas City noong Linggo.
Tumapos si Batcho na taglay ang 8.5 puntos para tanghaling kampeon sa 17-20 age category, habang naglista naman si Medina ng 7.5 puntos na nagbigay sa kanila ng tiket sa National Finals sa torneong itinataguyod ng Shell Pilipinas sa ika-23-taon.
Binanderahan naman ni Bernardo ang 13-16 category sa kanyang kinanang 8 puntos at si Arvie Lozano ng UP ang siyang tinanghal na top female finisher na may 7 puntos at tiket sa National Finals nang igupo si Rowelyn Joy Acedo sa tiebreak.
- Latest
