MANILA, Philippines - Babanggain ngayon ng Perpetual Help Altas ang tulad nilang walang talo na EAC Generals at ang magwawagi ay makakatiyak na ng upuan sa semifinals sa 90th NCAA men’s volleyball ngayon sa The Arena sa San Juan City.
Parehong may anim na panalo ang magkabilang koponan pero nagdadagdag sa determinasyon ng five-time defending champion Altas ang makuha ang ika-54 sunod na panalo na nagsimula noong 2010.
Samantala, ang Lady Altas ay babalik sa aksyon sa Enero at makakalaban nila ang EAC Lady Generals.
May 5-1 baraha ang nagdedepensang kampeon isang panalo pa ang hinahabol para umabante sa Final Four.