Garcia dismayado sa ipinakita ng Team Phl sa Asiad
MANILA, Philippines - Hindi katanggap-tanggap ang kinalugarang ika-pitong puwesto ng Pilipinas sa hanay ng mga Southeast Asian countries sa katatapos na 17th Asian Games sa Incheon, Korea.
May 1 gold, 3 silver at 11 bronze medals ang naiuwi ng 150-pambansang atleta sa Asiad at talunan sila ng Thailand, Malaysia, Singapore, Indonesia, Myanmar at Vietnam.
Ang nagsalba sa sana’y kawalan ng gintong medalya ay si Fil-Am Daniel Caluag na nanalo sa BMX cycling.
“We ranked seventh among SEA countries, natalo pa tayo ng Myanmar, in effect, we can’t accept this, na ganito na tayo” wika ni PSC chairman at Asian Games Chief of Mission Ricardo Garcia nang dumalo sa PSA Forum sa Shakey’s Malate kahapon.
Nakakaalarma ang nangyari dahil sunod na sasalihan ng bansa ay ang 2015 SEA Games sa Singapore.
“We have eight months which is enough time for us to prepare. We have to focus and the coaches and the NSAs should really push for a better performance, at least mag-focus tayo sa No. 3 or No. 4 to be more realistic,” ani pa ni Garcia.
May mga masasandalang atleta ang bansa para sa 2015 Singapore SEAG dahil patuloy na ipaiiral ang priority sports na sinimulan ng PSC noong 2012.
(ATan)
- Latest
