Pacquiao tiyak na pababagsakin si Mayweather – Roach

MANILA, Philippines – Tapos na ang kasikatan at kalakasan ng Amerikanong boksingerong si Floyd Mayweather Jr., ayon sa beteranong trainer na si Freddie Roach.

Kumpiyansa si Roach na kung sakaling magharap ang kanyang best fighter na si Manny Pacquiao at si Mayweather ay mananaig ang Pilipino.

“I think Mayweather is shot, his legs are gone and Manny will knock him out,” wika ni Roach kay Rick Reeno ng boxingscene.com.

Hanggang ngayon ay pangarap pa rin ng mundo ng boxing na magtagpo sa gitna ng ring sina eight-division champion Pacquiao at ang wala pang talong si Mayweather.

Sa ngayon ay may kanya-kanyang laban ang dalawa, kung saan makababangga ni Mayweather si Marcos Maidana sa Setyembre 13, habang makatutuos ni Pacquiao si Chris Algieri sa Nobyembre.

Naniniwala si Roach na kung hindi pa maghaharap sina Pacquiao at Mayweather sa susunod na taon ay hindi na talaga ito matutuloy pa.

“I think this is it. If it doesn't happen after this fight, forget about it. We've done everything possible on our side to make that fight happen, everything possible. We agreed to a 60-40 split at one time. We agreed to drug testing, everything,” paliwanag niya.

Kumalat ang mga balitang tinatrabaho na ng Top Rank promotions, Showtime promotions, at HBO ang sinasabing isa sa pinakamatinding laban sa mundo ng boksing.

“You hear rumors about TV stations getting along, wanting to do the fight together. Arum said that and that encourages me,” wika ni Roach.

Sa huli ay tinawag ni Roach ang atensyon ni Mayweather.

“If he wants to get knocked out, sign the contract. He says he's sitting down [and not moving as often] to please the crowd. He don't care about pleasing no crowd, I don't think. He just can't move no more. His legs are shot. He's done.”