Mixers asam ding makasalo sa liderato: Kings giniba ang Bolts; Express wagi sa Cola

Laro Ngayon

(Mall of Asia Arena, Pasay City)

3 p.m. Globalport vs Rain or Shine

5:15 p.m. San Miguel Beer vs San Mig Coffee

MANILA, Philippines - Dumiretso sa kanilang ikalawang sunod na panalo ang Barangay Ginebra at Air21 para magsalo sa li­derato ng 2014 PBA Go­ver­nors’ Cup.

Bumangon ang Gin Kings mula sa isang 11-point de­ficit sa second period pa­ra gibain ang Meralco Bolts, 95-82, habang gumamit ang Express ng isang 20-2 atake sa fourth quarter pa­ra talunin ang Barako Bull E­nergy Cola, 101-86, ka­gabi sa Mall of Asia Arena sa Pasay City.

Humakot si import Zaccheus Mason ng 32 points at 19 rebounds para sa pa­ngalawang dikit na tagum­pay ng Ginebra, iniwanan ng Meralco sa pagsisimula ng second quarter, 29-18, mu­la sa split ni import Terrence Williams.

“I told the palyers after halftime that we have to be con­sistent and play defense. Mindset is playing defense and sharing the ball,” sabi ni rookie mentor Jeffrey Caria­so sa kanyang Gin Kings.

Matapos kunin ang 46-43 bentahe sa first half ay pi­nalobo ng Ginebra sa 66-56 ang kanilang kalama­ngan sa Meralco, natikman ang pangatlong sunod na pag­katalo, sa 2:36 minuto ng third period.

Sa likod nina import Terrence Williams, Cliff Hodge at Gary David ay nakadikit ang Bolts sa 70-76 agwat sa gitna ng fourth quarter.

Isang 11-4 atake ang inilunsad nina seven-foot rookie Greg Slaughter, Japeth Aguilar at LA Tenorio pa­ra muling ilayo ang Gin Kings sa 87-74 sa huling 2:54 minuto.

Kumolekta naman si im­port Dominique Sutton ng 24 points, 16 rebounds, 6 steals at 4 assists para sa panalo ng Air21, habang nag-ambag ng 22 markers si Asi Taulava kasunod ang 17 ni Joseph Yeo at 16 ni Mac Cardona.

“It’s a good win for us. We’re successful the last two games because we’re playing within our system and using our strength,” sabi ni Express’ mentor Franz Pu­maren.

Pinamunuan ni import Eric Wise ang Barako Bull  sa kanyang 24 points.

Air21 101 -- Sutton 24, Taulava 22, Yeo 17, Car­dona 16, Ramos 8, Camson 8, Villanueva 3, Atkins 3, Borboran 0, Jaime 0, Poligrates 0, Burtscher 0.

Barako Bull 86 -- Wise 24, Fortuna 13, Lasti­mosa 10, Najorda 10, Bue­nafe 10, Miranda 4, Jen­sen 2, Wilson 2, Marcelo 2, Pennisi 0, Thiele 0, Deutchman 0, Intal 0.

Quarterscores: 25-22; 52-45; 80-72; 101-86.

Ginebra 95 -- Mason 32, Slaughter 22, Baracael 11, Ellis 9, Aguilar 4, Tenorio 4, Caguioa 4, Monfort 3, Reyes 2, Helterbrand 2, Mamaril 2, Ababou 0.

Meralco 82 -- Williams 26, Hodge 19, David 12, Dillinger 11, Hugnatan 8, Ildefonso 2, Caram 2, Wilson 2, Timberlake 0, Salvacion 0.

Quarterscores: 18-28; 46-43; 68-61; 95-82.