Governors’ Cup, Kuwentong Gilas ipapalabas ng live sa TV5

MANILA, Philippines -  Lalong mag-iinit ang mga aksyon sa 2014 PLDT Home TELPAD PBA Governors’ Cup mula sa walong live PBA games na ipapalabas sa TV5.

Isasaere ang mga PBA games tuwing Lunes, Martes, Miyerkules at Biyernes simula sa alas-8 ng gabi.

Isang doubleheader ang ipapalabas sa Sabado kung saan ang unang laro ay sa ganap na alas-2:45 ng hapon kasunod ang ikalawang laban sa alas-5:15.

Ang mga laro sa Linggo sa Sports5 Center ay magsisimula sa ganap na alas-3 ng hapon.

Ang mga unang laro ay nakatakda sa alas-5:45 ng hapon at isasaere sa AksyonTV, habang ang delayed airing ay mapapanood sa TV5 sa alas-11 ng gabi.

Ang Kuwentong Gilas ay inilipat sa bagong timeslot tuwing Huwebes sa alas-9:30 ng gabi.

Si Gilas Pilipinas forward Ranidel de Ocampo ang itatampok sa Mayo 22 na may episode title na “Ang Pamana.”