Pinas sa combat sports aasa ng gold sa Asiad

MANILA, Philippines - Ang mga combat sports na pinagkukunan ng medalya ang siya pa ring aasahan ng Pilipinas para sa darating na 17th Asian Games na nakatakda sa Setyembre 19 hanggang Ok­tubre 4 sa Incheon, South Korea.

Ang mga ito, ayon kay Philippine Olympic Committee (POC) chairman Tom Carrasco, ay ang bo­xing, taekwondo at wushu.

Sa nakaraang Asian Games sa Guangzhou, Chi­na noong 2010, nag-uwi ang delegasyon ng kabuuang 3 gold, 4 silver at 9 bronze medals para tumapos na pang-18.

Ang tatlong ginto ay nagmula kina boxer Rey Saludar, billiards player Dennis Orcollo at bowler Biboy Rivera.

“Potential is boxing and taekwondo,” sabi ni Carrasco, miyembro ng joint POC-Philippine Sports Commission (PSC) Asiad Task Force, kahapon sa PSA sports forum sa Shakey’s sa Malate, Manila. 

Tanging ang Gilas Pilipinas, Blu Girls (women’s softball team) at men’s rug­by seven squad ang na­kapasa sa kriteryang inil­atag ng Task Force.

Hindi naman nagpahayag ng kanyang medal projection si Carrasco ukol sa magiging kampanya ng bansa sa Incheon Asian Games.