Lozada nanguna sa panalo ng Big Chill

MANILA, Philippines - Kumunekta ng krusyal na tres si Janus Lozada para tulungan ang Big Chill sa di­kitang 70-63 panalo laban sa Arellano-Air21 Express sa PBA D-League Aspirants’ Cup kahapon sa Blue Eagle Gym.

Si Reil Cervantes na na­­nguna sa Big Chill sa 20 puntos ang nagbawi ng ka­la­mangan bago kumana ng jum­per si Rodney Brondial at ang tres ni Lozada tungo sa 67-61 kalamangan may 18.8 segundo sa orasan.

Nanatiling nasa ikalawang puwesto ang Big Chill mula sa 7-1 baraha.

Si Lozada ay may 18 points, tampok ang limang tres, habang ang guard na si Brian Heruela ay nag-am­bag ng 13 markers, 10 assists at 9 rebounds.

May 15 puntos si Jo­shua Webb para sa Chiefs na lumabo na ang paghaha­bol sa puwesto sa susunod na round sa 1-7 kartaa.

Sa ikalawang laro, nai­su­long ng Hog’s Breath Ca­fé ang malinis na baraha sa 7-0 nang pataubin ang De­rulo Accelero, 86-72.

Si Philip Paniamogan ay nagtala ng 24 points para sa Hog’s Breath.