MANILA, Philippines - Sinadalan ng ACS Team ang 10-0 bomba sa huling 1:10 ng labanan para makumpleto ang come-from-behind 95-92 panalo sa PL Antipolo sa playoff sa 3rd DELeague Kap. Rudy Francisco Cup noong Linggo ng gabi sa Marikina City.
Naiwanan ang ACS Team sa 85-92 iskor sa buslo ni Roger Pogoy pero hindi nila pinaiskor ang PL Antipolo hanggang sa matapos ang labanan.
May 22 puntos si SanÂtiago para sa ACS Team na nakuha ang karapatan na labanan ang nagdedepensang kampeon na Hobe Bihon ngayong gabi sa ikalawang playoff para sa awtomatikong semifinals seat sa Group A.
Ang mananalo ay magkakaroon din ng mahalaÂgang twice-to-beat advantage sa Final Four.
Si Mac Belo ay gumawa ng 34 puntos para sa PL Antipolo na lalaro sa quarterfinals.
Ang dating kampeon na Sta. Lucia Grand Mall ang semifinalist sa Group B nang walisin ang limang laro.
Nanalo naman ang FEU-NMRF saGaling MHS, 80-60, noong Sabado ng gabi para kunin ang huling quarters seat sa ligang inorganisa ni Marikina City Mayor Del de Guzman.