5-dikit sa Sta. Lucia East Grand Mall

MANILA, Philippines -  Hindi napigilan ng depensa si Francis “Kiko” Adriano para ibigay sa Sta. Lucia East Grand Mall ang ikalimang sunod na panalo sa 97-86 dominasyon sa Sealions sa DELeague Kap. Rudy Francisco Cup noong Martes ng gabi sa Marikina Sports Center.

Ang dating MVP ng liga na si Adriano ay gumawa ng 31 puntos bukod pa sa limang rebounds at apat na assist habang solidong numero din ang naitala nina Hippi Cedric at Bryant Warnest para walisin ang mga kalaban sa Group B.

Wala namang hirap na nakuha ng Arquitectos Construction ang unang panalo matapos ang dalawang dikit na kabiguan nang hindi dumating sa takdang oras ang kalaban na MJM Construction (Team Zamboanga).

Ito ang ikaapat na sunod na kabiguan ng MJM Construction sa ligang may suporta rin ng Philippine Business Bank-Marikina Branch, Hotel Sogo, Josiah Catering Inc.,St. Anthony Medical Center Marikina Inc., PCA Marivalley, Mared Rubber and Marketing Corp.,The Playground Premium Outlet Store,  Luyong Panciteria, Mckie’s Cons-truction Equipment Sales and Rentals, Tutor 911, Azucar Boulangerie and Patisserie, Maic’s Gym, Mylene’s Ensaymada Bananacake, Pancit ng taga Malabon, at Villaronar Resort.