Laro Ngayon
(The Arena, San Juan City)
2 p.m. Air Force vs Army
4 p.m. Smart vs Cagayan
MANILA, Philippines - Puwesto sa quarterfinals ang aasintahin ngayon ng pinalakas na Smart-Maynilad sa pagbangga sa wala pang talong Cagayan Rising Suns sa Shakey’s V-League Season 10 Open Conference ngayon sa The Arena sa San Juan City.
Tampok na laro ang naÂsabing bakbakan at magsisimula matapos ang pagkikita ng Philippine Army at Philippine Air Force sa alas-2 ng hapon.
Ikasiyam na panalo sa 10 laro ang nakataya sa Lady Troopers para tuma-tag ang paghahabol sa unang dalawang puwesto sa pagtatapos ng quarterfinals sa ligang inorganisa ng Sports Vision katuwang ang Shakey’s.
May dalawang dikit na talo sa yugto ang Air Wo-men pero asahan na magsisikap silang maisahan ang Army para tumibay ang kapit sa mahalagang ikaapat na puwesto.
Sa kasalukuyan ay may 5-4 baraha ang Air Force at pilit na isinasantabi ang hamon ng Meralco at PhiÂlippine National Police na palaban pa sa puwesto sa semis sa 3-6 at 2-7 baraha.
Natalo ang Net Spikers sa Lady Rising Suns sa pagtutuos sa elimination round, 23-25, 24-26, 20-25, pero malaki na ang pagbabago sa larong ipinaÂkikita ng tropa ni coach Roger Gorayeb.
Lumalim na ang puÂwersa ng Smart sa pagkapasok ng mga matitikas na sina Thai import Lithawat Kesinee at Ateneo star Alyssa Valdez.
Sa dalawang ito, si Valdez ang pinakamakinang dahil naghahatid siya ng 27-hit average matapos ang tatlong laro lamang.
Sina Valdez at KesiÂnee ay makikipagsanib-puwersa sa mga datihang sina Sue Roces, Grethcel Soltones at Charo Santos upang makuha ang ikatlong sunod na panalo sa yugto at okupahan ang ikatlong puwesto sa semis.