Phl-Blackwater tangka ang semis sa FIBA 3x3

MANILA, Philippines -  Bumangon ang Philippines para talunin ang Mongolia at Sri Lanka upang isaayos ang kanilang quarterfinal showdown ng Jordan sa inagurasyon ng FIBA Asia 3x3 Championship para sa kalalakihan at kababaihan na idinaos sa Villaggio Mall sa Doha, Qatar kamakailan.

Yumukod ang Nationals na binubuo nina Bacon Austria, Kevin Ferrer, Robby Celiz at  Gio Ciriacruz sa  Qatar Maroons, 11-21, sa elims  nagawa nilang makabangon at talunin ang Mongolia, 21-15, bago niyanig ang Sri Lanka, 17-9.

Ang panalong ito ng Nationals ang nagpatuloy ng kanilang tsansa at puntirya nila na makuha ang isang puwesto sa semi finals sa pakikipagharap sa Jordan.

“All the best to the Phl team,” ani Samahang Basketbol ng Pilipinas executive director Sonny Barrios. “Jordan is a tough opponent but we’re ready to rise to the challenge.”