MANILA, Philippines - Ikinamada ng Centro Escolar University at TriÂnity University of Asia ang kanilang pagkikita sa Finals matapos kapwa umiskor ng panalo sa National Collegiate Basketball League (NCBL) Founders Cup sa TriniÂty University of Asia gym.
Sinibak ng Scorpions ang Don Bosco TechnoloÂgical College, 75-53, habang nanaig ang Stallions sa Technological InsÂtitute of the Philippines, 75-67 sa semifinals nitong Martes.
Puntirya ng Scorpions, tinapos ang elims na may malinis na 4-0 karta na madomina uli ang Stallions sa nakatakdang one-game finals ngayon.
Gamit ang bentahe sa bilis at laki, nagawang mailayo ng Scorpions ang laban sa kaagahan ng laro upang makaulit sa Grey Wolves na kanilang tinalo, 67-49, sa classification round.
Inaasahang magiging mainit ang title showdown ng Stallions at Scorpions sa torneo na suportado ng Spalding, Physio Asia Therapy Center at Athletes in Action.