Erase, UE nagsanib para sa MBL

MANILA, Philippines - Nagsanib ang Erase Exfoliant, isa sa mga na­ngu­ngunang koponan sa PBA Developmental League, at ang University of the East ng UAAP sa ka­­nilang pagsabak sa 2013 MBL Open  basketball championship.

Makikilala bilang Erase Exfoliant-UE,  ang tropa ay hahawakan nina manager Louie Gamboa at multi-titled  coach  Boyzie  Zamar.

“We’re very happy to be teaming-up with the UE  Warriors in our second  year  with the  MBL,” sabi ni Gamboa, personal na pinili ang UE bilang kanilang collegiate  partner.

“UE is really my first choice  to  be   Erase   Exfo­liant’s partner team in the MBL. Under Zamar, the Warriors have improved  tremendously over  the past several months. They will surely be one of the teams to watch in the coming UA­AP season,” dagdag ni Gamboa.

Noong nakaraang taon, nagpasok si Gamboa ng dalawang koponan sa MBL. Ito ay ang Erase Plant­centa  at ang Sexapeel-Lyceum of the Philippines.

Pumangatlo ang Sexapeel-Lyceum sa eight-team tournament.