MANILA, Philippines - Makikilatis ang husay ng bisitang Victoria team mula Australia sa pagharap sa Southwestern University (Central Visayas) sa pagbubukas ng Shakey’s Girls Volleyball Tournament-of-Champions sa Ninoy Aquino Stadium.
Mapapanood ang laÂrong ito sa alas-4 ng hapon at isa sa limang laro na magtataas sa paligang nilahukan ng 10 koponan at magtatagal ng anim na araw.
Kasama sa maghahaÂnap ng panalo ay ang nagdedepensang kampeon na Hope Christian High School (NCR-West) laban sa Davao City National High School (Mindanao) dakong alas-5 ng hapon.
Ang unang laro sa ganap na ala-1 ay sa pagtian ng Central Philippine University (Western Visayas) at St. Louis University (Northern Luzon) na susundan ng Colegio de San Agustin (NCR-South) at Angeles University Foundation /Holy Angel University (Central Luzon) dakong 2pm at De La Salle-Lipa (Southern Luzon) laban sa AUF/HAU sa alas-6 ng gabi.