Duwelo ng TNT at RoS magiging madugo
MANILA, Philippines — Magiging pisikalan ang best-of-three quarterfinals series ng No. 4 TNT Tropang Giga at No. 5 Rain or Shine sa Season 48 PBA Philippine Cup.
Kaya dapat 100 porsiyentong nasa kondisyon ang mga Tropang Giga sa pagsagupa sa Elasto Pain-ters sa Game One nga-yong alas-7:30 ng gabi sa Smart Araneta Coliseum.
“I hope we have a few days for Kelly (Williams) to be 100 percent. I hope Jayson (Castro) is not too banged up,” ani TNT coach Chot Reyes sa kanyang dalawang veteran players. “That’s our main concern first, to make sure that they recover and that they are 100 percent ready for the game.’
Sa pagdakma ng Tropang Giga sa quarterfinals ticket mula sa 98-93 panalo sa Magnolia Hotshots ay nagtala si Williams ng 19 points, 8 rebounds at 4 assists habang may 18 mar-kers at 7 assists si Castro.
Aminado si Reyes na iba ang istilo ng Hotshots kumpara sa E-Painters.
“The difficulty with Rain or Shine is that there’s not one guy that you can key on because everyone is playing very well,” ani Reyes.
Tinakasan ng TNT ang Rain or Shine, 108-107, sa una nilang paghaharap sa eliminasyon.
Sa unang laro sa alas-4:30 ng hapon ay magtutuos ang NLEX at Meralco para sa kanilang best-of-three showdown.
Sa iba pang quarterfinals match up, haharapin ng No. 1 San Miguel ang No. 8 Terrafirma at sasagupain ng No. 2 Barangay Ginebra ang No. 7 Magnolia.
Parehong may ‘twice-to-beat’ advantage ang Beermen at Gin Kings laban sa Dyip at Hotshots, ayon sa pagkakasunod.
- Latest
