Bakit gustong-gusto ng administrasyon
ang Bangsamoro Bill pagtibayin ngayon?
marami ang nagtataka sa nasabing aks’yon
naiisip nilang dahil sa eleks’yon?
Ang nasabing bill kung ngayo’y papasa
tiyak magwawagi kandidato nila;
tanto ng gobyernong di-dapat umasa-
sa boto ng bayang ayaw sa kanila!
Ang Bangsamoro Bill kung ok sa Congress
voters ng Mindanao magiging kapanig;
gobyerno ni P-Noy na ngayo’y paalis
ay maraming perang doo’y ibubulid!
Ngayo’y sariwa pa sa isip nang lahat
ang maraming taong buhay ay nawasak
dahil sa maraming salaping kumalat
sa isang halalang noon ay naganap!
Hindi malilimot nitong sambayanan
nangyaring massacre sa Maguindanao;
dahil sa hangaring sila’y magtagumpay
58 botante’t mediamen ang pinagpapaslang!
Kaya posible ring ito ay maganap
sa halalang ngayon ay pangarap
sila’y magtagumpay na hindi naghirap
dahil may salaping ngayo’y ikakalat!
Ito ang magiging puhunan ng LP
upang ipanalo sina Mar at Leni;
kitang-kita ngayon ang perang marami
tiyak na gagamitin upang sila’y wagi!
At ang Bangsamoro ay magtatagumpay
makukuha nila boto ng Mindanao;
sa sistemang ito luluha ang bayan
pagka’t tagumpay rin ang “tuwid na daan”!