Ito ang basahin mo Mayor Peña

DAPAT sundutin sa puwit ni Makati City acting Mayor Kid Peña ang mga taga - Makati Public Safety Department na nakatalaga dyan sa kanto ng Pasong Tamo St., at J.P Rizal hanggang sa may Kalayaan St., dahil imbes na ayusin ng mga ito ang trapiko dito sila pa ang nagpapapila ng mga jeepney kaya naman ang traffic during rush hour ay grabe as in grabe.

“Mukhang matindi ang kalakaran dito sa nasabing lugar?’ sabi ng kuwagong kinikikilan.

Ayon sa mga asset ng mga kuwago ng ORA MISMO, mistulang terminal ng ‘train’ ang pilahan ng jeepney sa nasabing lugar na may rutang PRC via Makati Square, puera pa rito ang mga nakabalandrang mga tricycle dyan sa dating PRC tapat ng mga bahay aliwan.

Nagtataka ang mga asset ng mga kuwago ng ORA MISMO, na parang walang disiplina ang mga taga - MAPSA sa pinag-uusapan natin place dahil sa harapan mismo nila nakaparada ang mga jeepney na nagsasakay ng pasahero.

‘Kumukuha kaya sila rito ng pang almusal o pang hapunan?’ tanong ng kuwagong haliparot.

Sabi ng mga asset ng mga kuwago ng ORA MISMO, gustong palawigin pa ni Peña ang mga taga-MAPSA para makatulong sa traffic.

Naku ha!

Sana huwag na kung ganito rin lang ang sistema sa may kanto ng J.P Rizal, Pasong Tamo up to Kalayaan.

Abangan.