NAGWAKAS ang matagal nang pangongotong ng isang empleyado ng Land Transportation Office (LTO) sa mga driver sa Antipolo City. Nakilala ang suspect na si Jean Paolo Santos. Sa pagsisiyasat ni PO2 Joenepher Jabagat, naaresto si Santos ng Antipolo City police at Special Weapons and Tactics (SWAT) habang sakay ng kanyang Toyota Vios (plate no. ZPP-706). Naka-assign umano si Santos sa LTO-MIMAROPA (Mindoro, Marinduque, Romblon, Palawan) bilang acting OIC-Consulting Section Legal Division.
Nireklamo si Santos ng mga nabiktima nito sa Antipolo police headquarters. Ayon sa mga driver, kinukutongan sila ni Santos sa National Road, Bgy. Dalid. Nag-aabang umano ng mga driver si Santos sa madilim na bahagi ng zigzag road ng nabanggit na lugar, paparahin at saka kokotongan. Nagpapakilalang LTO officer siya at kung anu-anong violation ang pinapatong sa drayber. Kapag hindi makapagbigay, kinukumpiska nito ang lisensiya o binabaklas ang plaka ng sasakyan.
Dahil sa reklamo, agad bumuo ng operatiba si SSupt. Arthur Masungsong ng Antipolo police. Tinungo ang kinaÂroroonan ni Santos. Subalit nang mapansin ni Santos na paparating na ang mga pulis at SWAT, umalis na paharurot sakay ng kanyang kotse. Subalit pagdating sa Sitio Pulong Banal, Bgy. San Jose, nakaabang na ang SWAT team. Tiklo si Santos, hehehe!
Todo tanggi si Santos nang dumating sa Investigation Unit ng Antipolo City police headquarters, subalit nang buksan ang kanyang bag ay nakita ang isang bungkos ng vehicle registrations, ID cards na may iba’t ibang address. Nakuha rin sa kanya ang isang tool na pangbaklas ng plaka at ilang lisensiya. Maraming kaso ang kakaharapin ni Santos.
Ayon kay PPO chief SSupt. Rolando Anduyan, hindi niya hahayaan na pumasok ang sinumang mangungutong sa mga taga-Antilopo City. Kaya ang panawagan niya sa mga nabiktima ni Santos, magtungo kayo sa Antipolo City police headquarters para makita si Santos at nang maidagdag ang inyong reklamo. Congratulations SSupt. Masungsong sa pagkakaaresto n’yo kay Santos. Abangan!