5K Program sa Las Piñas itutuloy

MANILA, Philippines — Itutuloy ng Tatak Nene Aguilar Team na kilala rin sa tawag na Green Team sa pangunguna nina Las Piñas Mayoral candidate April Aguilar at Vice Mayoral candidate Imelda “Mel” Aguilar ang pagtataguyod ng 5K Program na kinabibilangan ng Kalusugan, Kaalaman, Kaayusan, Kabuhayan, at Kinabukasan para sa mga residente.

Ang mga programa sa Las Piñas ay libreng pagpapa-anak hanggang sa paglibing, gayundin ang diagnostic at laboratory testing centers para sa kalusugan at programa sa edukasyon na pamana ng panghabambuhay kaya libre ang paaral sa daycare centers, grade school, high school at kolehiyo sa Dr. Filemon C. Aguilar Memorial College at 4 year course sa DFCAITI.

Sa susunod na taon nakatakdang buksan naman ang bagong 10-storey building ng DFCAM College of Engineering kung saan magpapaaral sa 4,000 na libre sa kolehiyo.

Ayon kay Vice Mayor April asahan na ng Las Piñero ang pagbuhos ng mas marami pang proyekto kasabay ng pasasalamat sa patuloy na pagmamahal, tiwala at suportang ipinaparamdam sa kanila ng mga residente.