1st day ng Simbang Gabi, generally peaceful - PNP

MANILA, Philippines — Inihayag ng Philippine National Police (PNP) na generally peaceful ang unang araw ng Simbang Gabi sa buong bansa.

Ayon kay PNP spokesperson at information chief Brig. Gen. Jean Fajardo, wala naman nairerport na anumang  untoward incident sa simula ng simbang gabi  at inaasahang  mananatiling payapa hanggang sa Pasko.

Bagama’t dinagsa  ng mga Katoliko ang ilang simbahan sa bansa ang unang araw ng Simbang Gabi, hindi naman nakapagtala ng anumang   kaguluhan.

Gayunman, sinabi ni Fajardo na mananatili pa ring alerto ang PNP sa mga simbahan, langsa­ngan at transport terminals  lalo pa’t inaasahan na paparami nang paparami ang magsisiuwian sa kani-kanilang mga pro­binsiya habang papalapit ang  araw ng Pasko.

Nabatid kay Fajardo na naglabas ng kautusan si PNP chief Gen. Rommel Francisco Marbil na siguraduhin na sapat ang mga pulis sa mga vital installations bukod pa sa mga pulis na nagsasagawa ng  foot patrol.

Wala rin aniyang  namomonitor pa ang PNP na anumang mga banta o gulo ngayong Kapaskuhan.

Samantala, sinabi  naman ni National Capital Region Police Office (NCRPO) Director Brig. Gen Anthony Aberin, wala ring untoward incident sa 309 simbahan sa Metro Manila kung saan nasa 1,802 pulis ang ipinakalat cops were deployed in 309 places of worship in Metro Manila.