Caloocan LGU tiniyak na prayoridad edukasyon, E-City Library pinasinayaan

MANILA, Philippines — Bilang bahagi ng proyekto at prayoridad sa lungsod, pinasinayaan nina Caloocan City Mayor Dalo Gonzalo “ Along” Malapitan, may bahay na si Caloocan Cultural Affairs and Tourism Council (CATC) Chairperson Aubrey Malapitan at guest of honor Director Cesar Gilbert Adriano ng National Library ang  bagong E-City Library  na matatagpuan sa  10th Avenue, sa Barangay 62.

Ayon kay Malapitan, layon ng E-City Library na mas palawakin pa ang reading habits ng publiko bagama’t madali na lamang makita at mabasa ang mga kaila­ngang impoprmasyon sa internet.

“Sa panahon na lahat ay tinatanong na kay Google, iba pa rin ang nahahawakan at naaamoy mo ang mga pahina ng libro,” ani Malapitan.

Nanawagan ito sa mga Batang Kankaloo na sulitin ang paggamit sa mga koleksyon at mga pasilidad ng E-library.

Siniguro ng alkalde na tuluy-tuloy ang pagsasagawa nila ng mga proyekto para tulungan ang mga kabataan na maisakatuparan ang kanilang tunay na poten­s­yal.