Belmonte muling kinilala bilang isa sa Forbes list ng 50 Sustainability Leaders
MANILA, Philippines — Muling tumanggap nang pagkilala si Quezon City Mayor Joy Belmonte sa Forbes dahil sa matagumpay na programa sa Quezon City upang maibsan ang epekto ng climate change sa lungsod.
Ito ay makaraang kilalanin ng Forbes si Belmonte na isa sa kanilang inaugural 50 Sustainability Leaders sa hanay ng C40 Cities members kasama sina Mayors Yvonne Aki-Sawyerr ng Freetown, Sierra Leone; Anne Hidalgo ng Paris, France; at Michelle Wu ng Boston gayundin ang ibang ibang negosyante, scientists, philanthropists, investors, politicians at activists na nangunguna sa buong mundo para labanan ang climate crisis.
“The 50 honorees recognized as Forbes inaugural Sustainability Leaders span industries and disciplines while all demonstrating exceptional ambition, innovation, and recent, tangible impact that is both scalable and sustainable,”ayon sa Forbes.
Sinabi naman ni Belmonte na ang pagkilala ay bunga ng iba’t ibang mga programa sa lungsod upang mapigilan ang epekto ng climate change sa mga QCitizens at kapaligiran.
“We are extremely honored to be part of this inaugural list. This further solidifies our commitment to combating climate change and its negative impact on the environment and our QCitizens,” dagdag pa ni Belmonte.
Mula nang Maging Mayor ng QC noong 2019, naglaan si Mayor Belmonte ng 13 percent ng budget ng QC LGU para sa climate initiatives upang makopo ang layunin na mabawasan ang greenhouse gas emissions ng may 30 percent sa taong 2030 at maabot ang net-zero sa taong 2050.
“It will also inspire our local government to continue discovering and implementing vital solutions that contribute to a healthier planet for current and future generations. We have to act fast and decisively on this problem,” dagdag ni Belmonte.
Ilan sa hakbang na pinapurihan ng Forbes ay ang ibat ibang environmental initiatives ni Belmonte tulad ng city’s bike path network na may 217 kilometers, paggamit ng kuryente ng free bus service at paggamit ng solar panels sa public buildings gayundin ang pagbabawal sa paggamit ng plastic bags at single-use utensils, “trash-to-cashback” program at pagtatayo ng refilling stations ng mga liquid detergent at iba pang household products.
Noong 2023, kinilala rin si Mayor Belmonte bilang United Nations Environment Programme (UNEP) Champion of the Earth for Policy Leadership dahil sa martinding kampanya at adbokasiya laban sa plastic.
- Latest
