Rerouting sa grand homecoming ni Yulo, iba pang atleta, inilabas
![Rerouting sa grand homecoming ni Yulo, iba pang atleta, inilabas](https://media.philstar.com/photos/2024/08/11/yulo_2024-08-11_22-58-55.jpg)
MANILA, Philippines — Nag-abiso ang Metropolitan Manila Development Authority (MMDA) na magkakaroon ng rerouting para sa gaganaping Heroes Grand Homecoming Parade para kay two-time gold medalist Carlos Yulo, iba pang 2024 Paris Olympic medalists, at lahat ng Filipino Olympians bukas, Agosto 13, ng alas-3:00 ng hapon.
Nabatid na ang ruta ng parada ay magmumula sa Philippine International Convention Center (PICC), simula sa V. Sotto Center Island, kakaliwa sa Roxas BIvd., kakanan sa P. Burgos Avenue, didiretso sa Finance Road, didiretso sa Ayala Blvd., -didiretso sa P. Casal St., didiretso sa Legarda St., kakanan sa Mendiola St., kakanan sa Jose Laurel St hanggang sa Palasyo ng Malakanyang.
Pinayuhan ang mga motorsita na dumaan sa mga alternatibong ruta-- ang northbound patungong R10 ay gumamit ng Roxas Blvd. Service Road, Taft Avenue, F.B. Harrison Street, A. Mabini Street. Gayundin ang southbound, dapat dumaan sa T.M Kalaw at U.N. Avenue sa Maynila.
Magpapatupad rin ang MMDA ng “stop-and-go scheme” sa mga pangunahing lugar kung saan daraan ang parada.
- Latest