Papaalis na Taiwanese huli sa droga

MANILA, Philippines — Arestado ang isang pasaherong Taiwanese national sa Ninoy Aquino International Airport(NAIA) Terminal 3 matapos makuhanan ng illegal na droga.

Sa inisyal report ng NAIA-PDEA natuklasan ng OTS personnel ang illegal na droga sa final security checkpoint nang kapkapan ang dayuhan habang papasok siya sa boarding gate.

Nakilala ang papaalis na pasahero na si Chen Yinjyun sasakay ng Cebu Pacific flight 5J-553 patungong Cebu ng makuha ang 9.3 grams ketamine na nakatago sa kanyang katawan.

Kasama sa mga nare­kober mula sa dayuhan ang apat na cellphone mga IDs 300 foreign currency at P25,000 CASH.

Ang suspect ay dadalhin sa main office ng PDEA sa Quezon City.