“Carina” pinalubog Metro Manila, number coding at Pasig Ferry service sinuspinde

MANILA, Philippines — Binaha ang mara­ming lugar sa Metro Manila, partikular sa mga lungsod ng Pasay, Caloocan, Quezon, Mandaluyong at Maynila, batay sa monitoring ng Metropolitan Manila Development Authority (MMDA), kahapon, dahil sa epekto ng Bagyong Carina at southwest monsoon, o habagat, ayon sa Metropolitan Manila Development Authority (MMDA), nitong Martes, Hulyo 23.

Batay sa advisory ng MMDA, nasa walong pulgadang taas o gutter deep ng tubig baha ang  inabot ng Balintawak northbound at southbound at Dario bridge, NS Amorante corner Don Jose St, na mas mataas o nasa 10-13 pulgada, E-Road Araneta  sa Quezon City; at Mandaluyong, Shaw Boulevard, Edsa southbound.

Sa Maynila,  Bonifacio Drive 25th Street northbound at southbound, España M.Dela fuente eastbound at westbound habang sa Caloocan, McArthur Calle Uno southbound, na gutter deep din at sa  Pasay, ang Andrews Tramo intersection at Edsa Taft Avenue  ay gutter deep,

Sinuspinde rin ng MMDA ang operasyon ng Pasig River Ferry Service dahil sa masamang panahon.

Pagsapit ng hapon, sinuspinde rin ng MMDA ang pagpapatupad ng number coding scheme.