Pekeng abogado, timbog ng NBI
![Pekeng abogado, timbog ng NBI](https://media.philstar.com/photos/2024/07/22/3_2024-07-22_21-19-28.jpg)
MANILA, Philippines — Inaresto ng mga elemento ng National Bureau of Investigation (NBI) ang isang pekeng abogado na nag-aalok ng non-appearance annulments sa mag- asawa mula halagang P500,000 hanggang P700,000 sa Batangas.
Ayon kay NBI Batangas chief Christopher Hernandez, tumanggap ang mag asawa ng desisyon ng korte ng annulment.
Pero nang maberepika sa Philippine Statistics Authority (PSA), ang dokumento ay sinasabing peke at hindi naka rekord sa PSA.
Una nang naaresto ang suspek ng Criminal Investigation and Detection Group (CIDG) Cavite Dasmariñas noong Marso dahil sa parehong modus.
Kahit may naka pending na kaso, sinabi ng NBI na patuloy pa rin ang suspek sa modus operandi nito.
Ayon sa NBI Batangas ang suspek ay hindi nakatalang abogado batay sa Korte Suprema
May 12 reklamo ang naisampa laban sa suspek kabilang na ang estafa na may kinalaman sa Cybercrime Prevention Act of 2012.
- Latest