P1 bilyong kinita ng LTO sa mga pasaway na motorista

MANILA, Philippines — Nakakolekta ang Land Transportation Office (LTO) ng halos P1-bilyong kita mula sa mga multa ng mga pasaway na motoristang nahuhuli sa paglabag sa batas trapiko sa unang anim na buwan ngayong kasalukuyang taon.

Ayon sa LTO, ang P986.5 milyong nalikom mula sa 330,073 motorista na nahuli mula Enero hanggang Hunyo 30, 2024 nationwide.

 “The almost P1 billion collection from fines and penalties alone is a result of the hard work of our law enforcers and other personnel on the ground. We cannot achieve this without their dedication and commitment to ensuring road safety,” sabi ni LTO chief Vigor Mendoza.

Aniya, madaragdagan pa ang naturang malilikom na kita ng LTO dahil hindi pa lahat ng nahuling motorista ay nakapagbayad na ng kanilang multa at penalties.

Tiniyak ni Mendoza na maaabot ng LTO ang P33 billion revenue target para sa taong 2024.