MANILA, Philippines — Tatlo katao ang dinakip ng mga tauhan ng Southern Police Drug Enforcement Unit (SPD-DEU) at Pasay City Police sa isinagawang drug operation kamakalawa.
Kinilala ni Pasay City Police Station chief, P/Col. Cesar Paday-os ang mga nadakip na suspek na sina Maichang dela Cruz Yamane, 29; Maureen Flores Lacson, 25; at Gertics Barias Demanarig, 31.
Dakong ala-1:00 ng hapon kamakalawa nang isagawa ang operasyon sa Guiho St. sa Brgy. 145, Pasay City.
Nasamsam ang 19 na heat-sealed plastic sachet ng 28 gramo ng shabu na nagkakahalaga ng P190,440.00 at narekober ang isang .22-caliber pistol na may 22 bala.
Inihahanda na ang kaukulang kaso laban sa mga nadakip na suspect.